近月香港警民衝突不斷升級，海外資金不斷撤出，中產移民潮不絕。「基金教父」雷賢達指港股看似未有受大影響，但他指若非債息低迷，讓資金停泊股市，港股早已大瀉。但最壞的時代，亦是最好的時代。曾經親建制的雷賢達亦有怨氣，指大衝突帶來大改變，眼下是重啟政改、改寫商界賺到盡，及扭轉財富不均時機。他相信如同97一樣，不會是the end of the world，「只係我哋經歷嘅時間會好痛苦」。
記者：孫樂祈
警方6月12日在金鐘一帶發射逾150枚催淚彈，當時「基金教父」雷賢達正在倫敦，「CNN成個上晝直播，我喊都喊唔出」。三個月以來，衝突中武力不斷升級，更有黑社會公然在鏡頭前襲擊市民，雷賢達斥，「2014年只放一次（催淚彈），肯定有人叫停，今次點解冇？」
今年有機穿24540
雷賢達指作為基金經理，正憂慮80年代的信心危機再現；加上貿易戰內憂外患，恒指今年有機會跌穿去年底的低位24540點。作為基金教父，他不會貿然入市，認為甚至防守股都不能防守，「如今公用股都跌，息口得一兩厘，仲買乜鬼」。他直指現時港股仍在高位，只因債券低息，「長債息口有1.7厘，股票有2厘。所以資金留喺股市，但問題是將來經濟、盈利前景係點」。
反送中運動發展至今，曝露一國兩制崩壞、香港政府獨裁，不少港人已失去盼望，辦理離岸戶口、計劃移民；評級機構惠譽、穆迪亦相繼將香港評級或展望調低。雷賢達指現況再拖下去，香港將會有一段很痛苦時期，「國際投資者對香港信心弱咗，就好難搞，商家可以選擇去其他地方。遊客都少咗好多，平日四季（酒店）邊可以畀你坐咁耐！」
作為基金掌舵人、金融人，他最看重sustainability（可持續性），要長治久安，財富分配必須改革，而答案在普選，「社會頂層5%根本唔使你理，但選委都係呢班上流人士，咁政府使乜理大多數基層、中產點諗。其實民主都係為生活」。
政府商界應反思
他認為短期落實真普選有點不切實際，「但如果有普選，你要幾百萬人選你，一定會實現一下承諾」。此時此刻，亦是政府反思社會政策、商界反思社會責任的時候，「香港大市場小政府，一提社會保障，商界就反對到暈，僱主係咪真係冇錢賺？商界對員工、市民壓迫越大，但單求max profit（最大利潤）肯定唔sustainable，總有一日爆煲。年輕人今日話我有乜輸，重新嚟過啦。」雷指要sustainable，商界需犧牲些少短期利益換取社會長期穩定。
商界接連跪低，登報、炒「黃絲」僱員等似成常態，在雷賢達看來，港府擺平利益集團，解決港人住屋問題，是一個正道，「如今要全力搞房屋，例如發展高爾夫球場，政府要有決心。中國政府應該支持香港政府同地產商碰，唔知內地體會唔到，還是唔覺得重要」。
雷賢達經歷過回歸前的動盪，仍然留港，今次亦未有計劃離港，「屋企人1968年送我去英國讀書，都係擔心香港不穩定。但1975年我返嚟香港，因為唔想做二等公民」。而且長遠香港作為一個對比內地自由的地方，長遠資金都會重新回來，「都係睇住個利益，六四後外邊啲人又走返嚟，而且香港資金都仲係好自由」。