facebook之前講咗會整頓假新聞，過咗幾日被視為《文匯報》分身嘅《點新聞》專頁就「被收工」，不過隔咗幾個鐘，網民發現《點新聞》又番生，仲要出po發爛渣話自己被滅聲，點知佢再被封號，再開過《點新聞》2.0又被KO。
以為就咁可以同《點新聞》say bye bye？太天真喇，轉過頭《點新聞》3.0就出現，仲出埋po投訴facebook公然打壓新聞自由，但網民又點會放過佢？有大批網民係《點新聞》3.0留言：「感謝 已再舉報。」好快3.0死咗，之後又有《點.新聞》，但就遇到好多網民搞咗不同嘅《點新聞》、《點新聞》4.0專頁（圖），個個一模一樣，有好多仲植入咗黃絲文宣，製造真假難分嘅景象，藍絲睇到肯定頴爆頭！