李亞男昨日於銅鑼灣出席護膚品牌活動，李亞男戴着有「I Love u」意思的頸鏈，她甜笑指是老公王祖藍表達愛意的禮物，李亞男說：「我哋成日都好sweet，有咗女之後唔可以忘記對方，要互相表達愛意，我喺生活點滴上會比較貼心，好似每朝起身我都會提早半個鐘，做人肉鬧鐘，會拍佢、搖佢、錫佢，不過個女叫會醒快啲，佢一見個女就好sweet。」她又指9個月大的囡囡Gabrielle是大隻B，現時已經重23.5磅，問到會追個仔湊個好字？她說：「呢幾年啦，都唔會好耐，有仔當然好，女都OK嘅，老公曾經講過要齊數，即是想生2、4、6或8個，兩個先啦，足球隊咩！」她又指目前以囡囡為先，會少接工作。
同場的郭秀雲指日前出海做海洋保育，但穿上潛水衣的她在船上待得太久中暑，幸好及時發現，要狂喝水及下水降溫，郭秀雲指目前全球暖化問題刻不容緩，五年內再不正視問題，地球將沒得救，呼籲大家關注。
採訪：羅慧敏
攝影：陳慧安