【本報訊】逆權運動已歷時3個月，訪港旅客大減。零售業首當其衝，重災區鐘錶、藥房及服裝面對不同挑戰，但有受訪前線售貨員表示，「今日只不過賺少咗佣金，但我哋想要嘅其實更重要」、「我哋唔會割席，If we burn, you burn with us（如果我們將毀滅，你也將與我們同歸於盡）。
鐘錶及服裝店生意跌
本報於8月底到內地團必到的金紫荊廣場，3小時內只有零星旅客及一團內地客，人數不足100人次，場面冷清。而本月首10天日均僅15內地團訪港、按年大跌九成。
於觀塘區從事鐘錶業的Tommy（化名）透露，其錶舖只有三成客源是內地客，但近日事件令市民消費意欲大減，8月公司收入少近七成。但比起擔心自己飯碗，Tommy更擔心香港，「對比以前收入當然大減，但又未死得，大家一齊捱過去囉」。他表明，認同坊間的「攬炒論」，「我哋作為本土香港人，你要炒嘅，不如我哋攬住一齊炒，我哋唔會割席。」
從事銷售達14年的Ben（化名），現職銅鑼灣某商場的鐘錶店。他指店內90%客源是內地人，內地客自去年底開始減少，只是過去兩個月更為明顯，「上年8月舖頭做到300萬元，啱啱8月唔夠50萬元，都係出緊老底（底薪）。」
不過，他提到示威以外，貿易戰對生意的影響更大，「之前每百港元兌80多元，等於有近20%折扣，最近跌至91元水平，折扣不足10%，佢哋覺得唔抵買。」
某運動品牌售貨員的Boy（化名）指，營業額下跌對公司有影響，但對他無影響，「我又唔會減人工嘅，不過都見到有削減人手，兼職唔使上班，一更由8人減到大約4至5人。」
記者：余曉芸