唐英年自從半隻腳踏出政壇，成功遠離是非，細佬唐慶年就唔好彩，曾經身為美維控股主席兼執行董事嘅佢，俾證監會喺市場失當行為審裁處話佢同一位女子涉及內幕交易，單案發生嘅時候差唔多成10年前，研訊程序仲要正在展開喎。
案情講到，唐慶年喺2009年嘅時候，曾經向一位名叫李奕璇嘅女子，洩露美維打算出售印刷線路板和面板業務嘅消息。李知道咗之後，就喺公司宣佈出售呢堆核心資產同派特別股息之前，率先買入咗美維股份，加埋有成超過200萬股。
之後美維當然爆升啦，李奕璇亦喺股價升超過40%嘅時候，將股份全數賣出，短時間內食咗差唔多54.7萬蚊利潤，證監會尋求審裁處裁定，包括頒令李奕璇交還返呢筆利潤。而美維控股喺2010年4月19日就已經晨早除咗牌。
李華華
mailto:[email protected]