草蜢成員蔡一傑將於下月26至28日，單飛在灣仔伊館舉行首個個人音樂會。傑仔日前接受訪問，透露會大唱五種語言的歌曲，除了廣東話、普通話及英文外，還會唱日文及泰文，傑仔說：「早前有一首日文歌，到時都會唱一啲兒時我喜歡嘅歌。草蜢以前有翻唱一啲泰文歌，今次真係唱泰文，唔可以丟架。」傑仔表示日文和泰文都是買書自學，傑仔覺得泰文發音較難，幸好家中有泰傭做指導：「有啲字問佢發音，我平時會用泰文同佢溝通。」
訪問當日，傑仔在健身室做gym，穿上背心的他展露了麒麟臂，他透露每天會花三個多小時健身，又會游水兼跑步，稍後還打算跟教練學打拳。已練成八嚿腹肌的傑仔說：「仲未係最滿意，未到顛峯時候，我從來冇度自己胸肌幾多，腰就保持30吋，已經有二十幾三十年。」
採訪：王連連
攝影：林賓尼
化妝：Will Wong
髮型：Michael of Headquarters
場地提供：海洋公園萬豪酒店