【本報訊】港島昨再有大規模自由行活動，壹傳媒創辦人黎智英與支聯會主席何俊仁、民主黨單仲偕到銅鑼灣「行街」至中環，黎智英指港人現時要爭取的是雙普選，即使林鄭早前撤回送中惡法，港人也不會收貨，呼籲港人繼續堅持，「我哋唔會完㗎啦，繼續堅持囉，直至有普選為止」。
斥林鄭落區僅做騷
黎智英昨現身銅鑼灣時，表明不覺得到銅鑼灣「行街」有風險，「大佬，我出嚟行路，有乜風險呀？拉都俾佢拉囉，行路、行街都唔得？你（政府）黐㗎！」對於林鄭聲稱已回應港人五大訴求，黎反問：「佢幾時回應五大訴求？佢撤回已經無用啦，大佬。佢三個月前撤回就有用啫，𠵱家撤回無用啦，𠵱家我哋要等普選喇。」
林鄭早前表明反對美國通過《香港人權與民主法案》，黎智英笑指：「佢做咗壞事，佢梗係反對啦。」認為正正是林鄭反對，美國國會才更想通過該法案。他在「行街」期間多次高喊「光復香港」，同行市民則以「時代革命」回應。
黎又批評林鄭聲稱要落區與巿民對話只是「做騷」，指林鄭落區時只「關心玻璃有冇爛」，而不是真正與年輕人對話，又指警方近日對待年輕人手法是白色恐怖，令他們不敢再行出來：「呢個係戇居，佢越係咁做，就越係反效果，（會有）多啲細路仔出嚟」，對於有人早前在他住所外投擲燃燒彈，黎形容只是「小事」，他沒被嚇到。
■記者林俊謙