關智斌（Kenny）在紅館的兩場個唱前晚圓滿結束，古巨基、容祖兒、Twins和張敬軒繼續上台助陣。Twins上台時大爆後台偷睇Kenny換衫，蔡卓妍（阿Sa）更爆其母大前晚看到他在台上除衫好high：「阿媽仲話以為我同Kenny一對，家長真係好多幻想，我哋去旅行，孤寒逼住同一間房。」祖兒再在台上摸赤膊的Kenny，兩人不慎撞咪，Kenny肉赤支貴咪，祖兒即笑：「支咪係張敬軒，兩支棍一齊撞吓撞吓，我講咪咋。」輪到軒仔出場，觀眾不斷叫「咀佢」，軒仔無奈回應：「乜嘢玩法？」尾段，嘉賓一齊上台，祖兒叫Kenny逐個錫，最終軒仔做了個抹嘴動作，迅速錫了Kenny臉頰後即彈開，最後一齊安哥唱出《眼紅館》。
Kenny完騷後接受訪問，問到是否跟軒仔感情復合？他說：「家人感情，乜嘢感情復合，見面錫吓。只係平時唔喺台上錫，大家大驚小怪。」Kenny非常感激眾嘉賓：「我知未夠火候，救咗我好多，完騷後要好好請佢哋食飯。」Kenny有邀請張致恒來睇騷，但他甩底。
採訪：卓寶花
攝影：林賓尼