【本報訊】昨日上台發言的中學生中有一位是警察子女。讀中三的Natalie勇敢透露自己是大家口中的「狗女」，即警二代。她形容過去三個月心情複雜、矛盾，但感謝父母從沒有反對她上街，「礙於好多嘢，佢哋唔可以出嚟發聲，但6.12、6.9我都有出嚟集會遊行，佢哋都唔會say no，既然佢哋做唔到，咁我就幫佢做埋」。
Natalie有時會在入夜後的紀律部隊宿舍居所叫口號，但她會選擇父母不在家的夜晚，免雙方尷尬。然而每次口號都無人和應，她體諒同住宿舍的年輕人，或礙於父母家人的壓力，不敢和應。
紀律部隊宿舍叫口號
Natalie透露，爸爸並非做防暴警察，平日也毋須在衝突前線工作，又承認爸爸會特別擔心她，「會叫我注意安全，知道邊度亂，就叫我唔好去」。過去三個月，父母沒有明言反對她上街，或稱得上默許，「佢哋都知我做緊咩」。
談到警察濫暴、濫權，遊行集會中常聽到針對警察的口號，Natalie說：「都明白佢哋（叫口號者）諗咩嘅，我自己都認為警察有濫暴、有濫權，都會諗點解自己老竇要做呢啲嘢（警察），但唔認為所有警察都係咁。」至於禍連警察妻兒的口號，她笑言會過濾一下，又不認為口號是針對有良知的警察家人。
Natalie現時是校內反修例關注組的成員，她強調開學至今沒有因為警二代身份受欺凌或針對，「同學反而比較多正面反應，會話『你自己警二代都出嚟喎』」，認為只要解釋清楚，就可避免謠言及誤會。
■記者周 婷