英國《太陽報》報道，現年41歲嘅前車路士球星杜奧巴，自爆話今夏拒絕咗成為車路士領隊，因為自己興趣唔大，仲話認為自己係個領袖，希望對國家有貢獻。佢就講到︰「領隊可以影響一間球會，但我想貢獻嘅係國家。我希望科特迪瓦可以有國際視野咁發展足球，呢度有輝煌嘅足球歷史、錢、人才同潛力，但都冇好好咁被開發。」據報杜奧巴上月已經宣佈要參選科特迪瓦足總主席。