關智斌（Kenny）前晚處男個人演唱會獲歌迷及好友大力支持，尾聲時他不忘提及險些連累他紅館夢碎的兄弟張致恒（Steven），Steven前晚未有出現。
在個唱「安哥」期間，Kenny主動提及Steven時說：「呢個本來係BOYZ嘅演唱會，發生嗰件事之後，好多人問我有冇嬲？其實我係失望多啲，Steven第二日已經即時打咗畀我，好鄭重咁同我道咗歉，嗰刻我已經冇嬲。」
Kenny不單已經原諒兄弟Steven，他竟還擔心對方前途，並說：「嗰刻有諗唔知佢點面對日後嘅生活，我唔係想叫大家原諒佢，亦未必好適合由我嚟講值唔值得原諒。佢係我出生入死嘅好兄弟，大家一齊住一齊玩，當中好多汗水、淚水，都只係我哋先體會到。經歷埋呢兩個月嘅事，我更加感觸，亦有少少遺憾，但係我都想用BOYZ首歌《大男孩》作為最後一首歌。」說罷全場歌迷跟Kenny一同大合唱，場面感人。