【拆局】
香港反送中運動升級後，內地網上不斷有「香港大亂必將導致大治」的言論，鼓吹中央藉此機會全面介入香港經濟事務，加強掌控。
近期內地多次干預國泰、港鐵等運作，令不少市民心寒，亦嚇怕不少投資者，股價大跌。
專家：中國最緊張資產流失
經濟學者關焯照（圖）認為，若中央真的打算藉央企控制香港，一定會嚇到外資「走夾唔唞」，變相令香港內地化，國際金融中心地位勢再難保存。
「你睇國泰、港鐵就知，國企如果嚟直接買公司控制香港，只會適得其反，外資一定走夾唔唞，制度會受好大影響」。關焯照認為，中央一直想擁有香港的壟斷行業，例如電力、煤氣，但本地傳統大商家除非撤資，否則不會輕易放棄控制權，讓國企入主，「如果真係畀佢買，即係傳統家族離開香港，連投資好耐嘅商人都放棄香港，反而會係一個好差嘅訊息」。
熟悉內地國情的資深投資者林一鳴則質疑，央企救港計劃成效不會顯著，「政治方面國企係好聽中央話，但經濟投資層面上，好多時一般般」。除了金融及地產，國企對投資香港一向缺乏興趣，加上近期內地經濟差，國企資金十分緊絀，到底可調動多少資金來港維穩，實在令人存疑，「中國政府講就一套，但一直最緊張係國家資產流失，對國有資金流出境外非常關注，今次會唔會因為政治維穩，而大開走資水喉，我認為機會就細啲」。