【本報訊】浸會大學學生會會長方仲賢日前透過律師入稟區域法院，就上月初在深水埗鴨寮街購買雷射筆後被捕，並遭警員毆打、非法拘捕及禁錮，使他受傷，財物受損，興訟向警方追討賠償。方仲賢媽媽在兒子入稟後接受《蘋果》訪問，指出透過法律去取回公義是理性的表現，「而唔係好似啲警察咁，自恃有職權，就隨意向市民發洩。我想話畀佢哋知，佢哋繼續咁樣，只會成為過街老鼠，人見人憎」。
鼓勵指證警暴
方仲賢上月初在鴨寮街購買10支雷射筆後，遭四名O記探員截查及拘捕，其間遭探員叉頸，及後被扣留達46小時，最終獲無條件釋放。日前他透過律師入稟區域法院向警方追討賠償，案件排期明年3月4日進行審前聆訊。
方媽媽鼓勵正受到不公平對待的香港人，即使覺得幾渺小都一定要走出來發聲，「如果我哋再唔發聲，任由警察濫用職權同過度使用暴力，遲早身邊啲朋友都會受到佢哋咁樣嘅對待，所以千祈唔好因為驚而唔出嚟指證佢哋，否則佢哋會繼續遺害社會」。方媽媽稱情況就好似之前在太子有一名年輕人只是問警察良心在哪裏，就被警察打到頭破血流，「嗰日我喺醫院見到佢，因為佢瞓喺方仲賢隔籬」。
9月初，方仲賢又遭警方以涉嫌盜竊他人銀包為由拘捕，被扣查逾12小時後無條件獲釋，面對兒子一次又一次被警方拘捕，在方媽媽眼中，警方前線人員不但沒有辨識能力，甚至連基本法律常識也欠奉。警隊高層則只會包庇下屬，在記者會上不斷為前線同僚掩飾錯誤行為，「警察根本同爛仔冇分別！」
■記者張珮琪
