【本報訊】中秋節理應人月兩團圓，但有些抗爭者卻已無法與家人團聚，明月之下，有心人特意到金鐘連儂牆出席悼念活動，紀念在反送中浪潮離世的九名人士。活動約有100人參與，他們在金鐘連儂牆外燒衣、上香、鞠躬，並點起燈籠悼念離世者。
點燈籠獻花：抗爭下去
「八月十五悼義士」活動在晚上7時開始，有人在地上放下白花，並在連儂牆上貼上「浩氣長存」四個大字，更有人準備了九份衣紙祭品及九件黃色雨衣，均分別寫上反送中離世者的姓氏。
與會者黃先生特意到場紀念離世的戰友，同時悼念兩年前遺言「千祈唔好信一地兩檢冇跨境執法」的浸大學生。黃先生指，到場後看見有人提着點亮的燈籠，不禁感嘆：「有句說話叫『人死如燈滅』，𠵱家着住咁多嘅燈、咁多嘅火，但佢哋已經返唔到嚟。」他續指，如果最初沒有反修例風波，離世的九人「佢哋可能仲同屋企人一齊慶祝緊中秋、同朋友一齊賞月點蠟燭」。
他又想起電影《烏克蘭自由之戰》中一句對白，「如果現在我們接受政府的條件，我們死去的朋友是不會原諒我們的」，所以他認為大家要繼續抗爭下去。
同樣出席活動的黃小姐表示，香港人一定不會忘記離世的同路人，除五大訴求外，亦希望重整警隊，「佢哋濫權，好似香港最大係佢哋咁」。她預計反送中之戰戰線甚長，「要振作起嚟，望吓周圍有好多人陪住你，繼續上街！直至爭取到要爭取嘅嘢為止」。
孫先生帶同白菊花到場，並在連儂牆前獻花，「嚟悼念佢哋幾位人士」。對於反送中示威已逾三個月，有人可能感到疲累或者計劃放棄、甚至有輕生念頭，孫先生哽咽說：「我哋唔可以失去任何一位義士……冇咗好多喇……唔可以再冇……真係缺一不可！」
至11時參加者組成人鏈，寓意「留條路畀離世嘅手足上路」，他們合唱《願榮光歸香港》，然後高叫「光復香港，時代革命」等口號。最後主辦單位焚燒九個衣包，眾人大叫：「收嘢呀，手足。」
■記者陳詠恩