李佳芯（Ali）早前呼籲香港人登記做選民，搞到被內地狙擊、遭無綫封殺，主演的劇集《BB來了》續集也被傳易角。昨日中秋佳節，Ali仍堅持做自己，在社交網貼上一張在陽光下笑得燦爛的相片，她留言：「中秋．回家，別讓愛你的人擔心#ALife#團．圓」。不少網民都大讚她「心善則美」，有人覺得無綫雪藏她很不智，當中有人向Ali說加油：「冇Ali已經唔係《BB來了》續集，罷睇，Ali加油」、「我只會看你的BB來了。」相片上載短短一小時，已有逾30,000人畀likes。
昨日有不少藝人在社交網向粉絲祝賀「中秋節團圓快樂」，包括陳煒、唐詩詠及出爐港姐冠軍黃嘉雯等。另外還有一班星級媽媽，去年嫁予富豪曾文豪的李美慧，孭住可愛囡囡「小糖心」一齊祝大家中秋節快樂；林芊妤（Coffee）更將囝囝「阿伯」頭頂綁絲帶扮禮物，利嘉兒亦將囡囡扮到好靚，與傳統兔兔燈籠一齊合照。
撰文：克己