在50年代中共建政之初，推行土地改革運動，倪匡也被送往土改隊：「因為識字嘅人少，幫佢哋寫報告，『死刑理由：地主。』我問隊長：『呢個死刑理由係地主……』我話唔通喎。」結果倪匡被怒斥是自以為是、不了解國家政策的知識份子，倪匡坦言：「我唔敢出聲，咪照寫地主囉，一槍打過去，兩個星期食唔落飯。」
倪匡指現在中國共產黨跟過往的初衷已經完全不同：「𠵱家有邊個提共產主義？個個都做生意賺錢啦！」曾經有人問倪匡：「你係咪中國人呀？」他回答：「梗係中國人啦！唔係中國人我使乜X反共呀？」倪匡笑說：「嗰個人當然冇聲出，再講落去我咪同佢講『反共必須愛國，愛國必須要反共。』」
何君堯真小人
1984年中英談判前，倪匡直言當時已心知不妙，當《基本法》出來，他更覺得與「和平解放西藏」一模一樣：「嗰陣時如果香港有100萬人撲出嚟遊行，香港唔使𠵱家咁嘅局面啦！」近日反《逃犯條例》修訂引起多次示威活動，倪匡直指不相信惡法是特首林鄭月娥的主意：「佢想咁樣暗渡陳倉，你香港啲高官有冇咁樣嘅智商呀？」他更指林鄭只是傀儡：「你睇佢出嚟嘅表情，肌肉幾僵硬，我覺得佢好可憐。」倪匡更指事情發展至今是非常荒謬：「中聯辦被人掟嘢，佢蒙住面，你點知佢係邊方面嘅啫？國家尊嚴、主權象徵俾人侮辱喎！你縮喺入面？你唔出嚟誓死保護？」
倪匡又提到中國國歌第一句「起來！不願做奴隸的人們！」已經是香港人現在做的事：「當年毛主席唔知發乜嘢神經，點解會定呢隻歌做國歌㗎？真係奇怪，即係鼓勵人反抗啫！」
倪匡好友黃毓民曾鬧何君堯是「世紀級人渣」，倪匡卻說：「我好佩服佢（何君堯）明刀明槍，唔會思思縮縮。真小人好過偽君子，容易防，偽君子一邊握手一邊捅你兩刀！不過呢啲話都唔出得街，倪匡撐何君堯，我諗都唔出得街，哈哈！」