鄺文珣與伍家謙昨日到東涌出席慶祝活動，鄺文珣表示早前首次一家五口到澳洲旅行：「最唔慣係冇工人姐姐幫手，帶埋BB去咗十日，咁講好醜，我真係好軟弱，不過老公好幫到手，洗嘢仲乾淨過我。」談到研究有關保護兒童的產品，鄺文珣表示剛剛啟動facebook專頁：「想同父母分享保護兒童資料。」
近日社會氣氛可會影響發展計劃？鄺文珣認為無論經濟或政治環境，科技都是持續發展：「我唔覺得有擔心，反而越來越需要。」同場的伍家謙表示工作未有受很大影響，認為社會有更重要的事：「我哋呢個行業唔係首當其衝，香港人繼續加油，大家能夠發聲嘅時候就繼續發聲。」
採訪、攝影：盧妹