有「港姐之母」之稱的前港姐副統籌經理陳紫蓮（Rosa）上月病逝，享年72歲，昨日早上於紅磡世界殯儀館出殯。治喪委員會成員曾醒明一早到場打點，港姐出身的莫可欣、李明慧、趙雅芝及丈夫黃錦燊、安德尊等穿素服到場致祭。
「佢好錫我哋」
約10時許，莫可欣率先離開靈堂，她受訪時稱：「我上次見Rosa已經係年幾前，都唔知佢有病，所以收到消息嗰刻好突然。」她隨即找向海嵐，對方表示Rosa家人指她不想大家擔心，因此未有公開病情。
莫可欣大讚Rosa為無綫及香港小姐貢獻了30多年，1993年參選港姐的她指參選時很大壓力，幸得對方支持及鼓勵，她說：「雖然有時佢令我哋好緊張，好驚做錯、講錯嘢，但係佢好錫我哋。我參選嗰陣唔係好舒服，佢叫我撐住，選完都好大壓力（被指最醜港姐），睇到啲新聞好唔開心，如果唔係有Rosa鼓勵，我會做咗好多不必要嘅決定。」
曾醒明：好拍檔
至於曾跟Rosa共事30多年的曾醒明則稱：「我哋開創咗港姐出外景同着三點式嘅先河，我哋喺工作上好密切，Rosa睇住我入行。佢係親力親為、擇善固執，守護住香港小姐呢個品牌，我會稱呼佢係香港小姐守護神。」他又透露年初收到Rosa來電，稱身體不適：「佢叫我一定要堅守呢個秘密，直到5月慧妍雅集嘅周年慈善ball，佢第一次缺席，好多人問我點解佢唔去，我都唔可以講。」他指Rosa離世前十多日，兩人再次聯絡，感覺對方不太精神，當時Rosa叫他不要到醫院探望，怕自己沒精神招呼，曾醒明說：「我同佢喺圈內圈外都係最佳拍檔。」
辭靈儀式在早上約11時許完成後，Rosa的遺體被送到鑽石山火葬場進行火化。
採訪：盧妹
攝影：陳慧安