831疑似黑警打瓜人的太子站有幾兇？林奠將已dead的阿Bill屍首，再翻棺落鑊，正式撤回，可見兇險程度。但市民不收貨，羅范門隨即登場。14歲革命天使勞軍，時光倒流回毛主席井岡山年代，將前線抗爭者比擬為革命黨的羅范，好快會后果自負！羅范抹黑背包寫定遺書的衝衝子，想砌他們港版IS生豬肉，但自言天堂留了位的林奠翌日快速割席。太子站降溫工程徹底失敗了，遲了十日才交出截圖的港鐵，提供罪惡現場的「潔本」，唉，預咗佢跌了良心。讀者睇足本SocREC和本報的原片，再看「立場」重組案情吧。
轉移831視線，有冇工聯會份？一定要睇陸頌雄回應李嘉誠先生的網開一面論。陸串爆老人家，賣天價樓時，冇對年輕人網開一面，話香港本來有好多瓜，係俾誠哥摘到剩番一隻，「自己摘完唔俾人摘，賺夠香港人錢就轉移去海外」。一世都買唔起龍床盤的藍絲，瞄到工聯會鬥臭地主的苗頭！只許自己擲菠蘿，唔准地產商摘瓜的工聯會，52年後準備發動文革武鬥3.0？做瓜地產富商，地產老闆硬接黑警的黑鑊淪為磨心？當面×林奠的麥美娟與陸頌雄這對cruise buddy，已獲配伸縮警棍？可以扑瓜了嗎？