早前「李佳芯男朋友」陳炳銓接受訪問，宣傳主演的ViuTV劇集《理想國》。被標籤為「李佳芯男朋友」，陳炳銓邊說不介意，但又稱只是人，就算捱得仍會覺得痛。不過他說：「我唔介意係其中一個身份，會覺得喺娛樂圈，可能透過呢個位，就算冇睇我啲劇都可以開始認識，我唔concern係咪李佳芯男朋友嘅身份。」
陳炳銓說不介意「李佳芯男朋友」稱呼，但網民以「茄喱啡」來形容他，亦攻擊其外貌，他指自己忍痛能力特高︰「唔會刻意在意，本身捱得少少痛，都會痛嘅，人嚟嘛。你話唔面對又好、逃避都好，睇完個標題就算。佢冇咁紅時，已經學習乜嘢叫工作同壓力，每個人有唔同嘅步伐。」不過他又說如果透過他是李佳芯男友的身份讓更多人認識，他又不太concern（介意）。
母親患癌成陰影
ViuTV劇集《理想國》其中一個單元，陳炳銓可以選擇消除記憶，現實中他想消除的，或許是童年成長的陰影︰「我11、12歲去加拿大讀書，喺親戚屋企住，寄人籬下，心情唔協調，會亂諗嘢。當時媽咪問我去唔去外國讀書，我話『梗係去啦』，其實佢驚我唔識獨立。事後知道原來媽咪有cancer，做完手術先話我知，又同我講啲身家託管咗畀邊個。」
揀女神女友包尾
女友是女神級，人人羨慕，但要陳炳銓從「波波姐」莊端兒、日本AV女神三上悠亞同在反佔中浪潮中曝光的PoPo女警及李佳芯中，選出心水女神，第一位他揀波波姐，之後順序是PoPo女警、三上悠亞，最後才是女友。他揀女神的指標是要有想像空間及親切感︰「空間越大越高位，李佳芯較熟識，排最尾，因為唔係想像係照顧嘅。三上悠亞略為認識，冇乜想像空間。睇波波姐莊端兒張相影出嚟想像空間多啲，好靚，有另一種感覺。而PoPo就普通網上平台造型。」
撰文︰何永寧
攝影︰林賓尼