【本報訊】開學後抗爭行動遍地開花，《蘋果》獲悉屯門仁愛堂田家炳中學有教師涉在校內打壓學生。該教師形容示威者為「暴徒」，不斷高聲質問學生「你係咪撐（暴徒）？」又高聲喝罵及威嚇學生不得再在校內叫口號，有學生受驚啜泣。校方稱正在調查，會嚴肅跟進。
該校多名學生向《蘋果》投訴，數十名同學上周四午膳時間在走廊展示「光復香港 時代革命」標語並高叫口號。一名黃姓訓導老師到場，要求同學立即返回課室。翌日同學再於午膳時間叫口號，黃再次「清場」並追入課室，指着一名同學高聲質問「你係咪撐？」，重複問了四至五次。有同學不解反問「撐乜嘢？」黃大聲回應：「你哋係咪撐暴徒？」
當日在場學生形容，黃當時情緒激動，向學生高聲喝罵。他以「暴徒」形容示威者，批評他們阻塞交通和破壞公物，「全世界都知香港傳媒講緊大話」；又威嚇同學不可再叫口號：「雖然我唔可以好似暴徒咁上嚟打你哋，但係我會不斷咁上嚟講同一番說話！」
校方：嚴肅跟進
有在場女學生憶述，當日與多名同學一同受驚落淚，她至今猶有餘悸，「真係好驚，𠵱家講返我自己都好驚。讀咗書咁耐，都未試過見一個老師咁樣用政治理由咁樣去鬧你，我覺得直情係恐嚇……成件事好恐怖」。
據悉涉事姓黃教師本周一開始請假至今，校方本周一在禮堂舉行座談會。《蘋果》取得座談會錄音，有家長會上指女兒當日回家後情緒激動，「好似俾人質咗一鎚咁」，認為校方至少應與受影響班別傾談。副校長孔敏芳稱不同持份者會有不同立場，校方指引未有列明如何處理同學在校內喊叫，而教師就其職責有必要維持秩序，「但係亦都因為指引不清，老師有啲行動，但我未了解清楚背後原因」，認為指引不清是學校管理層責任，校方需時處理。校方回覆查詢時表示正調查事件，會嚴肅處理及跟進。
■記者鄧力行