利物浦喺八月擊敗車路士捧走歐超盃，梅開二度嘅27歲紅軍前鋒沙迪奧文尼，賽後喺佢個人ig上載一張自己喺比賽中慶祝嘅相，但佢隊友羅拔圖法明奴留言話呢位塞內加爾前鋒抄襲自己嘅慶祝動作；文尼最近接受《Complex》訪問時講法明奴喺不久將來都會抄襲自己嘅慶祝動作，佢提到模仿法明奴慶祝動作一事就話：「我哋隊中嘅球員想有一種獨特嘅慶祝方式真係好難，因為我哋好多入波。法明奴係喺三年前做呢個動作嘅，之後佢又發明咗唔少慶祝動作。我都知道佢之後會抄襲我嘅動作，你哋一定會睇到嘅！」佢又講到之前贏咗歐聯冠軍獎盃返到利物浦，發現成個城市都瘋狂，呢個獎盃為我哋提供更多動力，要喺今季為球隊繼續奪冠。