王灝兒（JW）前晚到九龍灣為音樂平台演出，提到早前與友人去到北海道滑雪，更被朋友騙上山，JW說：「本身好驚滑雪，而且同時五、六個人一齊跟教練學，只係好短時間，所以冇諗過要去學，之後朋友呃我話要坐吊車上山食晏，搭吊車上山時，自己覺得奇怪點解冇人搭吊車落山，原來食完午餐之後就要滑返落山。」
JW續說：「第一次滑真係好驚，自己一啲都唔識snowboard，驚到唞唔到氣，一路落、一路跌咗好多次，跌到好攰，全身嘅肌肉都用盡，第二日更加辛苦，但去到第三日已經識滑，下年會約埋相識十周年嘅朋友一齊去滑雪，今次開頭都有鬧啲朋友，不過學識咗後，覺得好彩有佢哋陪住我。」
採訪：張明
攝影：陳俊強