【為港棄愛】
【本報訊】「乜事都冇就算啦，唔好搞咁多嘢」。反送中運動初期，24歲的Happy一直抱此心態，身邊還有「藍絲」女友，共同保持沉默。直到7.21元朗恐襲，體內革命因子大爆發，Happy決定鬆開女友的手，帶着遺書跑上前線。失去愛人，不是最痛，但談及香港未來，他心如刀割。Happy明白，身邊的藍絲與沉默一群都對警方有微言，惟怕秋後算賬而不敢發聲，他希望自己可鼓勵他們回歸人性，「不在沉默中爆發，就在沉默中滅亡」。
記者：張雅婷
全套黑衫、頭盔、豬嘴、眼罩，Happy一身勇武裝束受訪，3M眼罩下還有一副圓眼鏡，一呼吸，吐出來的氣就順着豬嘴而上，一下子鏡片就霧化了，就如香港當前的陰霾，退了又現。首次見Happy，談及香港未來盡是憂心，潸然淚下。第二次會面，Happy收起眼淚，多了一分男子氣概。
最痛係香港發生嘅事，因為唔知結局會係點，亦唔知下一代可以做乜，只可以行出嚟。
從事物業管理的Happy一直過着犬儒生活，前女友家人是警察，亦是何君堯支持者。兩人避談政見，明知社會不公，Happy亦不敢反抗。7月21日，元朗白衣人敲響恐襲警報，他終於醒了，「喺西鐵站入面嘅，只喺普通市民，唔喺示威者……就算市民着黑衫，係咪唔得呢？係咪着黑衫就要俾人打呢？就算係示威者俾人打，點解咁唔公道，警察冇出現？」
白衣人的棍敲破香港的平靜，亦打斷Happy的紅線。前女友問：「乜你覺得六四真喺存在咩？其實六四冇任何事證明佢存在過喎！」他想反問元朗恐襲，但無力。「我知道就算我點問都好，佢都有100個、1,000個理由幫佢辯護」。
大是大非當前，足以看清另一半是否可共患難，Happy的故事只是其中愛河一隅，連他自己也不覺特別痛，反而香港未來更值得關注，「最痛係香港發生嘅事，因為我哋真係唔知結局會係點，亦唔知下一代可以做啲乜嘢，只可以行出嚟」。假日穿上裝備，帶上遺書，Happy逼不得已與一直深信是正義的警察對着幹，直言害怕：「我哋唔喺驚俾警察拉，係驚連最後自由都冇埋。」他又向受影響公眾道歉：「我哋唔係想用武力，只係想從破壞中重建一啲嘢。」
𠵱家係最壞嘅時代，亦係最好嘅時代。好難再見到香港人原來咁團結，唔淨係為搵錢。
建功立業非朝夕，平日穿上制服，Happy管理的物業偏偏由何君堯擔任義務法律顧問，住戶投訴聲此起彼落，委員會要求罷免，連Happy也說工作處事難中立，「內心好想趕佢走」。另一邊廂，100個包裝印有何君堯樣貌的月餅送到管業處，連藍絲同事也不敢取。Happy明白，身邊的藍絲確實對政府及警察有微言，但六四和雨傘運動的教訓很大，他們不敢發聲，怕遭政權報復。
Happy這個暱稱源於他過往家中發生不快事情，細節不欲多談。改名除了鼓勵自己要快樂地生活，當別人叫他Happy時，他亦發出會心微笑。現在，Happy開心嗎？他說開心，因為有希望：「𠵱家係一個最壞嘅時代，亦都係最好嘅時代。好難再見到香港人原來可以咁團結，唔係淨係為咗搵錢。」
千呼萬喚，特首林鄭月娥終答允「五大訴求」中最無成本的一項，Happy當然不收貨，他不想再提心吊膽過日子，「你可唔可以唔好再令我哋市民連着咩衫出嚟都會驚、可能連星期六、日出街都會驚，真喺唔想再見到呢啲事發生。」他卑微地向政權呼叫。