【本報訊】逆權運動遍地開花,全港各區的連儂牆貼滿市民的心聲。近日出現一群男女以相當迅速的手法,撕走連儂牆上所有圖片和memo紙。有讀者向《蘋果》爆料指,部份人相信是接待內地遊客的本地導遊,懷疑有人響應微信群組的召集收錢辦事,破壞連儂牆。
行動須報名「估計有收錢」
讀者陳小姐(化名)是內地團的本港導遊,較早前她發現一個屬於「華語導遊總工會」的微信聊天群組內,有人號召昨早6時半到西鐵天水圍站撕連儂牆。她同時發現在香港導遊總工會一個微信群組內,出現來自「葉志偉」的多段聲音錄音短訊,內容大致是號召導遊們去「清潔」連儂牆:「我哋稍後出去清潔香港,清啲連儂牆。有興趣就報名啦!當然啦,我哋會喺一個安全的環境下做,會揀啲時間。」該「葉志偉」的頭像與香港旅遊從業員聯會主席葉志偉一樣,手機號碼亦相同。
陳小姐表示,得悉部份導遊確實有前往拆連儂牆:「那些都是行內的駁腳,比導遊略低一層,近日冇工開。」她估計行動有收錢:「本身呢行都係女士為主,九成九係新移民。」陳認出昨凌晨時分在太子站清理花壇的其中一名女子,是一名姓周女導遊。自上周六開始,各區的連儂牆已不斷遭人破壞,破壞者每次七至八人,以女子為主。昨日上午亦有七名女子在九龍城一條行人隧道拆連儂牆。
記者向葉志偉查詢有關疑似他發出的錄音短訊,葉表示「冇乜印象」,但指即使有導遊清理連儂牆,也是個人行為。至於他有否號召清潔行動?葉回應說:「睇吓得唔得閒先,最近唔得閒。」
■記者熊翠蘭