田蕊妮昨日在土瓜灣為下周五舉行的演唱會綵排，距離演出日期漸近，她坦言相當緊張，每日專心排練過着刻苦的生活：「我覺得自己好似Rocky咁，每日都係咁練習，食好多蛋白質又唔飲得凍嘢，所以我已經決定咗完騷慶功要去打邊爐。」
阿田笑說臨近中秋家中有很多月餅，自己要扮作視而不見：「最慘我老公（杜汶澤）喺屋企成日就大大聲問，唔知呢種月餅係乜味嘅呢。」提到因應最近社會氣氛，不少演出都被延期或取消，阿田表示自己沒有想太多，只專心做好排練，又笑言：「就算真係開唔成，個慶功都要繼續。」問到日前阿田在社交網撰文，和一班劇集演員合照並留言江湖再見，惹來離巢揣測，她說：「嗰次係一時感性，因為係我最後一次參與劇集宣傳，之後就要準備演唱會，令大家誤會真係唔好意思。」
採訪：曹家誠
攝影：葉君海