恩莫比尼喺禮拜日打破咗自己喺國際賽兩年入球荒，協助意大利以2:1擊敗芬蘭。呢位拉素前鋒喺59分鐘頭槌破網先開紀錄，佢賽後表示已重拾信心：「我真係好希望入波，通過入波令我重拾信心。我要將呢個入波送畀我最近分娩嘅妻子、我嘅家人同埋所有同我關係密切嘅人。」恩莫比尼對上一次喺國際賽入波，已係2017年9月對以色列嘅世盃外。