西班牙喺禮拜日嘅歐洲國家盃外圍賽，輕鬆贈法羅群島四隻光蛋，其中正選披甲、33歲嘅沙治奧拉莫斯，就追平咗前國家隊門將卡斯拿斯代表「狂牛」上陣167場嘅場數紀錄，「聖卡斯」隨即喺twitter上載咗自己同拉莫斯昔日喺國家隊擁抱嘅照片，並恭喜對方︰「朋友，為第167場比賽恭喜你，希望嚟緊仲有更多。我哋一齊喺狂牛經歷過偉大時刻。」