【拆局】
《蘋果》昨日收到讀者提供短片，公開本港首富李嘉誠日前在慈山寺一個活動中，再談反送中抗爭，除希望年輕人能體諒大局，又呼籲執政者對年輕人網開一面。有政界人士認為，雖然李嘉誠對北京影響力已大不如前，但以他一向慎言作風，而對年輕人網開一面說法，亦與北京「止暴制亂」強硬立場有不同，難免令人猜測有關言論除了是他個人意見，也可能代表香港、甚至北京某些主張以懷柔手法對待示威者人士想法。
有政界中人指，從片段可見，李嘉誠講話時有不少人用手機拍片，「即係話佢有晒心理準備會公開，甚至想用呢個方式，將佢講話公開」。
不過他認為外界不用太過份解讀李的講話，「今日嘅李嘉誠同北京關係大不如前，佢嘅說法未必完全代表北京最高層睇法」。
希望說服領導人不再強硬
不過另一政界人士指，李嘉誠作風一向慎言，他公開評論政治事件前，「一定心中有個底先會講，好似當年佢用女媧補天評特首人選，就係知中央揀定林鄭（月娥）先講」，所以他認為李嘉誠敢公開提出對年輕人網開一面、與北京「止暴制亂」強硬立場不同，背後除了有他自己的想法外，「相信佢係知香港、甚至北京都有人同佢有相同想法，唔想用太強硬手段對付年輕人，以免局勢再惡化」，所以李嘉誠用這個方式表達立場，「想用自己嘅影響力幫吓主張懷柔手法嘅人，希望說服到領導人唔好再強硬落去」。
■記者莫劍弦