求驗客手記:屈福特炒領隊再搵科里斯

求驗客手記:屈福特炒領隊再搵科里斯

屈福特星期日喺官網宣佈,領隊查維加西亞正式被炒,成為今季英超首位被炒嘅領隊。與此同時,屈福特都宣佈領隊科里斯再次回歸執掌球隊。屈福特喺宣佈查維加西亞被炒後,立刻官宣前領隊科里斯(圖)再次回歸。呢位54歲西班牙籍領隊曾喺15/16球季執教屈福特,更帶隊殺入足總盃四強,但該季過後就離隊去西甲教愛斯賓奴。屈福特主席杜斯貝利喺官方聲明度指,查維加西亞嘅成就值得尊重,球隊亦祝佢未來順利,並歡迎佢以遊客身份回歸屈福特。