基斯坦奴朗拿度（C朗）喺2016年同「一剔牌」簽嘅天價10年合約，最近被專洩露內部消息嘅網站足球解密，透過《明鏡周刊》對外公開。今次爆料稱C朗每年會靠呢份約賺多1,470萬鎊，而10年加埋就係1.47億鎊（約14.1億港元）。另外，C朗喺16同17年，就因贏咗金球獎同FIFA年度最佳球員等個人獎項，一剔牌再每年畀多佢360萬鎊。
C朗賺咁多，梗係要交功課啦！上星期六歐國外B組，葡萄牙作客塞爾維亞，葡萄牙喺C朗射入一球下，作客以4:2擊敗塞爾維亞，賽後以3戰5分升上B組次席，不過仲落後多踢2場、榜首嘅烏克蘭8分咁多。