香港金牌監製、資深電影人崔寶珠昨晨因肺癌於浸會醫院病逝，享年72歲。寶珠姐兒子王子鳴透露母親走得安詳：「媽咪心願係想低調搞喪禮，佢一向係好低調，但喪禮點搞，我都要同家人商量。」寶珠姐好友周潤發收到噩耗，傷感表示：「好掛住佢，我會永遠懷念佢！」周星馳也謂：「非常難過。」二人曾合作過《功夫》和《長江7號》。
馮德倫表示非常傷感：「2006年我拍《跳出去》時同佢合作，佢好照顧我，係一個好值得尊敬嘅前輩。原本佢搵我拍《詠春》，但因為佢病都叫停咗，當然係有啲遺憾，希望佢一路好走。」翁子光導演也在網上發文悼念。寶珠姐在業界地位崇高、人緣極佳，曾監製《臥虎藏龍》、《方世玉》等，更兩度為李連杰化解事業危機，被他視之為恩人。
採訪：鍾國仁
