香港樂壇曾經有過輝煌時期，55歲文佩玲、54歲黃寶欣與48歲何婉盈均是盛勢時孕育出來的歌手。去年初，一班80年代末、90年代初歌手組成「經典同學會」，友誼由此而起，何婉盈獲推舉為班長，再加上黎明詩是同學會中最活躍分子。日前文佩玲、黃寶欣及何婉盈在尖沙嘴接受訪問，何婉盈笑說：「癡癡呆呆先可以坐埋一枱。」
黃寶欣：唱得好好
三人於本月中夥拍黎明詩、黃翊、胡渭康、林利、莫鎮賢與陸家俊假灣仔伊館舉行兩場「記得……我們的主打歌演唱會」。文佩玲與何婉盈均表示子女會捧場，而黃寶欣的一對子女本月初已返美國準備開學，但三人都希望有機會跟自己的子女同台獻唱，留下美好回憶，不過短期內似乎未能成事，因子女都怕醜而婉拒。
原來三人的下一代也遺傳了音樂天份，黃寶欣直言子女愛唱歌：「佢哋識自己睇譜，我都唔識睇。兩個𠵱家都唱得好好，哥哥就喺大學唱acapella，周圍去比賽，我真係覺得個仔好charm，細女有參加合唱團，唱得唔錯。」何婉盈坦言囡囡是「鬼妹仔」，中文普通，甚至連她的主打歌名字也記不到：「我成日問佢媽咪首歌叫乜名，佢會話《再見朋友》，我話差兩個字。」何婉盈最開心是囡囡會留意自己的作品及演出，她又透露囡囡愛聽K pop，甚至學跳K pop舞蹈。
文佩玲：唱祖兒歌
文佩玲則指囡囡以前非常鍾意唱容祖兒的歌，甚至可以將整個演唱會背唱出來，包括台上對白及舞步，她說：「大大吓，死都唔肯喺我面前唱，可能識怕醜，但都鍾意聽歌。」
撰文：馬建華
攝影：沈健程
場地提供：太子酒店