【趕盡殺絕】
【本報訊】上月23日，無綫電視突然以「市場不穩和政治動亂拖累」為由解僱約20人。雖然無綫曾表示裁員與政治因素無關，但多名被辭退的員工向《蘋果》指出，參與過設置連儂牆、張貼反送中訴求標語紙、上載員工證等行動後，都落得「炒魷」命運，「喺呢間公司做得呢啲嘢，老實講都預咗炒，但係咪就甘心唔發聲？點解講吓政治嘢要好似做犯咁？」他們都擔心，無綫欲一網打盡不聽話的員工，他日要製作唱好大陸的節目，諂媚程度更大、反對意見更少。
記者︰于健民
欲收拾個人物品遭拒
化名受訪的阿B及阿文均是90後，畢業後加入無綫電視做長工。綜藝科導演阿B說，不少同事心底支持反送中運動，卻為了生計而選擇沉默，血氣方剛的他感到鬱悶，「8月5號大罷工之前，內部都有通知話千祈唔可以罷工，我知我哋好難罷工，所以就諗有咩方法做吓試吓」。
翌日凌晨，阿B與製作部的阿文到6樓綜藝科的後樓梯貼起連儂牆，延伸到8樓藝員組。沒過多久，保安撲至，狠狠撕走兩人的心血，阿B說：「我都唔知有幾多同事睇到呢幅牆，但拆得咁快係幾意外，之後後樓梯就長期有保安企喺度。」其後兩個多星期，二人如常工作，以為公司不會秋後算賬；其實是時辰未到，8月23日，他們與其餘十多人收到電話通知，即日被辭退。
「3點幾收到電話，嗰時監製都未知咩事，到6點幾我先聽到話，係保安部同人事部決定、冇人challenge到、呢個決定唔係簡單呀咁。」直至聽聞那些曾上載員工證、帶文宣物品及頭盔回公司的同事也遭殃，阿B及阿文才聯想到自己的「死因」。阿B承認曾在社交平台發表不少反送中言論，又曾大罵警方記者會似做騷，「但都係我私人生活一部份，公司冇權管我哋」。4日後，他們欲返無綫執拾個人物品，卻被拒諸大閘外，要靠同事幫忙，再在同事眾目睽睽下，簽收離職支票。
指自我審查勁過傘運時
阿文說，雖明知無綫親中，「但係整連儂牆都唔係激進行為吖，點解對咁小嘅事都要趕盡殺絕﹖你係會製作新聞嘅，唔係應該容許有不同意見發表咩﹖作為咁大間電視台，係好冇道理」。他指，無綫五年前佔中時期爆發新聞部自我審查風波，五年後白色恐怖更嚴重，也反映公司沒有大企業應有的包容與器量。
除了他們，無綫助理總經理余詠珊愛將、劇集《機動部隊2019》監製李志倫上周也被解僱，外界盛傳與他曾把「黑白是良知」五隻大字貼在辦公室玻璃有關。阿B及阿文認為，大清算過後，無綫再拍宣傳內地、唱好大陸的節目，員工縱再多不滿也只能繼續啞忍，「一直以嚟，都不時拍宣傳解放軍呀、大灣區呀等等嘅內容，但都會包裝一下，我諗之後都唔使啦，直接hard sell算數」。