【爆相爆片】文詠珊（Janice Man）將於下月12日在意大利米蘭，跟拍拖5年的金融才俊男友吳啟楠（Carl）在古堡結婚，早前已在港進行過大禮儀式，估計整個婚禮將花7位數。雖然JM準備嫁入豪門，但日前《蘋果》讀者吳先生透過「爆相爆片」目睹她與女友人，貼地在銅鑼灣買車仔麵外賣醫肚。
相中JM一身名牌打扮，黃色恤衫襯白色貼身牛仔褲，戴上金錶及拎住紅色名牌手袋，一身貴氣，JM正與車仔麵的店員落單，女友人拎着外賣食物速遞紙袋，估計要買多人份量。吳先生向《蘋果》透露：「JM當晚8點幾喺渣甸坊買車仔麵，見佢都幾靚，但冇乜途人認得佢。佢就買咗四碗車仔麵，大約等咗15分鐘就拎齊外賣，上咗一架七人車走。」
撰文：寶妮