傅明憲昨日與王灝兒（JW）和郭秀雲等到荃灣出席活動時，被問到有關父親傅國梁（藝名傅奇）早前入稟追討她前夫葉劍波500萬元，傅明憲解釋事情因由：「件事係2014年年尾，葉劍波搵我爸爸支持佢搞上市集資，爸爸好錫佢，都想佢東山再起。2015年1月，爸爸就畀咗500萬支持佢，以合約內容寫明18個月後會歸還1,000萬，但係18個月之後冇上市。爸爸追問佢情況，葉劍波話仲努力緊，差少少，爸爸因為錫佢同支持佢，所以繼續等。」
不欲老父加國返港
提到葉劍波欠債一事，傅明憲表示對方由2016年年中到2018年都未有消息，爸爸期間以短訊追問情況：「對方一係就遲覆，一係就話仲努力緊，詳情唔講，叫佢等吓。爸爸今年都90歲，想要返啲錢養老，佢好擔心又有口難言，我都好心痛，冇辦法之下就搵律師幫忙。」傅明憲坦言入稟前曾聯絡前夫：「我有通知佢、有追過佢，爸爸都有親自寫信畀佢，想佢交代吓，但都冇回覆。」她表示希望事件盡快解決，畢竟父親年邁，若要從加拿大返港出庭太辛苦。
另外，傅明憲表示早前到哥斯達黎加潛水，整個星期住在船上，她說：「搭去個島都要36個鐘先到，不過我喺嗰度潛咗一個星期睇鯊魚。」傅明憲又謂雖然已多次見過鯊魚，但今次與虎鯊的距離最近，她說：「兩年前嗰度曾經發生鯊魚咬死人事件，但係我唔會好緊張，因為我對潛水教練有信心。」
案件編號：HCA1601/2019
採訪：盧妹
攝影：林賓尼