作為大家姐願承擔指摘心美指心穎 心情又高又低

作為大家姐願承擔指摘
心美指心穎 心情又高又低

黃心美與王貽興昨日於灣仔為香港開電視拍攝節目《男士堂》,訪問期間心美神情略帶緊張,未知是否因為今年4月妹妹心穎與許志安爆出「安心事件」後,她慘被牽連,除Ig遭網民洗版式「強烈譴責」,更有傳因形象插水跟男友馬桂烽分手。提到早前與男友分手,心美說:「報道出街時經理人已經代答咗,今日嘅答案都一樣,感情事唔回應,始終係兩個人嘅事,自己知就夠。」

妹妹會返香港面對

問到妹妹心穎是否赴美重返校園進修,心美表示只能夠透露妹妹身在外地:「至於佢喺邊、做緊乜嘢恕我無可奉告,佢係做錯咗,我作為家姐亦係屋企人,無論如何都會喺佢身邊。」早前樂易玲曾透露心穎事發後情緒低落,終日以淚洗面,問到現在她的身體及精神狀況,心美說:「心情都係up and down(又高又低),始終發生咁大件事,需要時間、空間去處理同面對自己,承擔結果同責任。」至於心穎可有返港計劃?心美謂:「我唔知,佢都唔知,希望佢ready後可以自己返嚟面對大家,到時就唔使再問我。」

黃家四個女兒都是父母的心肝寶貝,心美說今次事件令一家人更團結。資料圖片

有傳黃心美因形象插水與男友馬桂烽分手。資料圖片

黃心穎與許志安4月爆出「安心事件」後離港。資料圖片

心美直言事發後,雖然事件帶給全家人困擾,但亦令一家人更團結:「養兒一百歲長憂九十九,我哋四個女,父母本來就緊張,今次唔開心一定有,但我哋一家人會努力面對,難過都要過。每一日都係成長學習,亦係一個機會令我睇清好多人同事,多謝錫我哋嘅朋友以及屋企人嘅支持同關心。」

唔刻意避安仔夫婦

對於網民的攻擊,心美沒放在心上:「我冇做錯,佢哋發洩完覺得好啲咪由佢哋囉,Haters Gonna Hate(意指憤世嫉俗的眼看甚麼也不順眼),我係大家姐,我受晒is ok。」最後問到如果日後工作上碰到許志安、鄭秀文或馬國明可會尷尬,心美表示:「我自己冇諗呢樣嘢,亦唔會刻意避,心情係點𠵱家答你唔到,到時再問我。」

至於節目拍檔王貽興就表示今次是以男性為主題的節目,介紹男士們喜歡收藏的東西和興趣,他透露年尾要為ViuTV製作新劇:「係一個大型歌舞片,男主角MIRROR咁多位成員,嚟緊要做公開演員招募,要搵一大班女仔去襯托佢哋。」
採訪:曹家誠
攝影:陳慧安