關智斌（Kenny）前晚與黃宗澤（Bosco）、鄧麗欣等在尖沙嘴出席時裝活動，與關智斌份屬友好的Bosco，原先答應Kenny擔任其演唱會嘉賓但甩底，Bosco笑說︰「我深感內疚，因為要去日本拍攝工作，自己做唔到嘉賓都好唔開心。原先可以借佢個舞台畀我還樂壇一個交代，我問佢要唔要拍片，佢冇再覆我，可能佢嬲咗我。」
Kenny即笑指Bosco應該深感內疚，Kenny說︰「我一早同佢講我有演唱會，佢竟然飛走，我心碎。想同佢合唱，要佢畀樂壇一個交代。」對於好友張敬軒表示要為Kenny演唱會調理音響並提供上門服務，Kenny說︰「第一次處男騷對我嚟講好緊要，真係要好好調音。」問到張致恒結婚，Kenny說︰「嗰晚有短訊祝福佢，佢冇叫我哋去觀禮，佢想低調我唔介意，佢話遲啲婚禮食飯一齊搞。」
採訪︰張明
攝影︰陳慧安