【周末專題】北角海峰園這個三房單位住了一家四口，一對夫妻，一位讀小學囡囡和一位傭人姐姐，還有兩隻地位十足的毛孩，阿B和仔仔。夫婦去年以1,930萬元購入這個實用面積856呎單位，樓齡31年。設計師Dicky為營造北歐簡潔風格，選用灰藍色和白色作主調，亦靈活地在牆身添加花線，凸出主題。單位景觀開揚，對岸維港美景盡收眼底，阿B和仔仔不時坐在窗邊看風景，寫意非常。
踏入客飯廳，長方形佈局，沒有傳統電視櫃，大電視背後反而是一塊大雲石襯托。Dicky解釋，「客飯廳個則係長方形，加上屋主用咗電鉸梳化，如果梳化延伸出嚟，就會冇晒成個空間通道」。於是他將電視櫃引伸為兩個櫃子，一個長條形櫃放電視旁，用來放置男戶主珍藏的遊戲機和遊戲碟；另一矮櫃則放梳化旁，用來放置電子用品。
廚房改開放式設貓櫃
飯廳對正廚房，廚房原佔地逾100呎，Dicky認為頗浪費空間，決定改為開放式，並以一張雲石吧枱分隔兩個空間。另外撥了地方做大櫃，用作雜物櫃和貓櫃。夫婦愛錫貓貓，特別要求Dicky預留位置予阿B和仔仔休息。貓櫃設抽氣扇作衞生用途，另放有飲水機、食物、玩具等，滿足牠們需要。阿B和仔仔愛自由，大多時間在全屋遊走，貓櫃門常開，由主子決定何時要「擺駕回宮」。
推開客廳條子木暗門，內有乾坤，就是衣帽間、主人房、囡囡房和三房的所在位置。設計師笑說裝修前，女主人再三吩咐，預留一間房給她作衣帽間；主人房則四四正正，放了一張雙人床和工作枱，看似低調，原來最花心思在套廁，用上仿酒店式設計，拆掉門口原本的水泥牆身，取而代之是雲石特色牆。
囡囡房以粉藍色做主題，十分夢幻。Dicky表示，「上面囡囡瞓，下面工人姐姐瞓。梯子可移動，拎開之後就可以拉晒下床出嚟」。全屋裝修歷時四個月，裝潢費約120萬元。Dicky表示木工和傢俬佔整個工程費用約三分之一。
記者：樊栩瑩
