賭王何鴻燊上月底抱孫，四房大女何超盈與未婚夫辛奇隆的B女「荷包蛋」出世，原來何家再有喜事，三房的28歲孻仔何猷啟將再做爸爸。有傳媒日前影到猷啟與國產太太GiGi及一歲半的女兒Tittania到中環shopping，GiGi身穿白tee肚凸凸，報道指她已有五個月身孕，而Tittania在商場內自己行，GiGi就追着囡囡，忙加照顧。
《蘋果》昨日聯絡將再做父親的猷啟送上恭喜，他笑說：「好開心，有BB，不過我哋比較想低調，到BB出世會通知大家。」問到BB性別，猷啟就未有透露。猷啟造人相當有效率，今年2月才宣佈已與GiGi註冊結婚，4月就承認已有一個11月大的囡囡，而GiGi今胎未算太大增磅，如上一胎般手腳纖幼。據知，GiGi已懷孕近八個月，預產期在11月，即是猷啟兩年抱兩，再度為賭王家族添第三代，而今胎同樣是女。
超蓮：好期待
猷啟應記者要求給了「一家四口」的新相，是猷啟帶陀着第二胎的GiGi與囡囡到影樓拍的照片，穿起白色小傘裙的Tittania相當可愛，笑到眼仔也不見，而猷啟就輕扶太太腰，表現有愛。猷啟胞姊何超蓮將再做姑媽，她亦回覆《蘋果》：「好開心，好開心，好恭喜佢呀，其實知道咗一段時間，冇同大家公開講，多謝大家關心，好期待BB出世。」
採訪：唐如