方力申昨日在跑馬地馬場出席賽馬活動，網劇《衝鋒車2019》有傳近日因社會警民關係緊張而停拍，加上導演李志倫（Jacky）疑因政見敏感被炒。
有份拍攝的方力申有傳訊息慰問對方：「拍咗3、4日就停咗工，但未收到通知幾時再拍番，我冇問過幾時再開工。」問到會否胎死腹中則不知道，無限期停拍也感可惜，方力申說：「做藝人手停口停梗係覺得可惜，都覺得冇咁快可以開番，但再遲就怕冇期，有可能藝人要再夾期。」
另外，方力申為準備慈善維港泳要飲食健康、作息準時，他說：「要一早起身游水，所以調校番瞓覺時間，戒酒同食健康啲，怕到時游12個鐘要大便就麻煩。」
採訪、攝影：王連連