黎諾懿及黃智雯等昨日到將軍澳出席宣傳，兩人更以古裝扮相預祝中秋節。黎諾懿透露已買燈籠給囝囝：「唔夠兩秒已經爛咗，好彩我冇教佢玩蠟燭，如果唔係真係成間屋都燒埋。」提到拍古裝，黎諾懿笑謂：「我經歷咗幾次剃頭之後，諗番都覺得好驚，如果要再剃頭，驚好難生頭髮囉。」黃智雯表示入行以來恨拍古裝：「我好想試吓做俠女或者宮廷角色，呢個造型好新鮮。」