對於唔少球員或者球迷嚟講，國際賽期可能只係聯賽之間嘅休息期，但對於同樣20歲嘅迪格蘭賴斯同美臣蒙特嚟講，就係個激動人心嘅時刻。呢兩位喺八歲就喺車路士足球青訓學校度認識嘅朋友，自細就約定話要一齊代表英格蘭國家隊，佢哋喺今次國際賽期終於一齊入選三獅軍團，有望喺周六主場對保加利亞嘅歐國外賽事度上陣，夢想成真。
12年前，只係得八歲嘅蒙特同賴斯喺車路士足球青訓學校第一次見面，兩人就做咗好朋友，美臣蒙特話：「我哋都住喺寄宿家庭，成日都會去對方屋企玩，練波又見收操後又見，真係好開心。」如果呢對好朋友喺星期六可以代表英格蘭一齊上陣，對佢兩個嚟講都一定係個特別嘅時刻。