昨晚與林愷鈴同場出席活動的有黃翠如、張寶兒及余德丞等。黃翠如被問到老公蕭正楠近日明顯消瘦不少，她表示：「因為佢拍緊套劇，佢嘅角色係一個好貪靚嘅男仔，所以佢刻意減肥，瘦咗20磅。」黃翠如大爆老公不食晚飯及狂做運動，自己也佩服他的決心。蕭正楠和曹永廉今晚登台做騷，她會否上台做特別嘉賓？黃翠如笑說：「佢只叫我喺後台，可能二奶（曹永廉）唔畀。」
余德丞近日被傳和周秀娜暗撻三個月，他表示跟女方已認識的時間不止三個月：「但我哋唔係拍拖，我哋都冇互相去過對方屋企，至於將來嘅事就冇人知，講唔定。」余德丞強調跟周秀娜只是普通朋友，不覺女方主動追求。另一緋聞女友蔡思貝表示會請剛於大前日生日的余德丞食飯，問到誰較貼近他的擇偶條件？余德丞笑言：「係女仔都OK，成個圈都係靚女。」
採訪：黃曉妍
攝影：仇志德