【本報訊】網上盛傳8.31於太子站月台被速龍警員按倒地上施襲、懷疑失去知覺的男子已經死亡，但同在當晚被捕的阿俊（化名）向《蘋果》表示，在扣查時曾與該男子傾談，有講有笑，無見到他有明顯傷痕。阿俊又指，現時一閉上眼就彷彿聽到車站警報聲及有人被打時發出的慘叫聲，批評警方做法猶如7.21元朗無差別襲擊，「除咗無恥真係唔知再點形容佢哋」。
警方公佈8.31太子站內共拘捕63人，阿俊是其中之一。他指當時有大量防暴及速龍警員衝到月台，自己被多名警員撲倒並拘捕，輕微擦損，卻親眼見證身邊其他人被打至頭破血流，「啲防暴見到人就拎住支棍係咁毆」。他憶述警員施襲時間大約為晚上10時45分，但直至約凌晨12時30後始被正式通知遭到拘捕，再安排登上往荃灣方向列車，「同一架車有幾個都受傷，有瞓擔架嘅，有坐輪椅嘅」，到荔枝角站後由白車分送不同醫院。
指遭警連番侮辱
阿俊到醫院經簡單檢查後，未有驗傷即被警員帶走，被安置在葵涌警署停車場內，「佢哋分咗幾個區，錄口供、影相、刑事調查等候區咁，有六、七排凳，一排六至八個，坐滿晒，都應該有50幾人」，當中就有《蘋果》當日直播影片中被兩名速龍警員按倒在地上、再用警棍攻擊的男子，「出返嚟先知網上話佢死咗，嗰晚有同佢傾過幾句，平安嘅，行得走得，唔覺有咩明顯傷，仲有講有笑」。但他未有留意該男子幾時離開警署，「係保釋定送去第二度真係唔知」。
阿俊被扣押時雖無遭「郁手郁腳」，但所有人均飽受警員言語侮辱，「話咩曱甴啊、咩捉極都捉唔晒啊」，又被要求戴上隨身背包內的裝備拍照，甚至多番被人威脅，試圖在律師到場前完成錄口供程序，「暗示話你唔合作就會對你不利，會捉你入房，又話畀你『試吓新嘢』」。他堅持不肯就範，警員於是以不同藉口拖延七小時方安排他見律師，最終在被捕後44小時保釋離開。
走出警署不代表可以鬆一口氣，阿俊表示現時一閉起眼，耳邊就彷彿響起當晚太子站的緊急事故警報聲，以及身邊人被警察襲擊時發出的慘叫聲，「完全瞓唔到」。他認為警方的行動猶如7.21元朗鄉黑在西鐵站及車廂無差別襲擊途人，「除咗無恥真係唔知再點形容佢哋」，日後亦不會再乘坐港鐵。