七月光州世錦賽，何詩蓓在200米自由泳決賽游出新港績1分54秒98得第4名，跟日本19歲泳手池江璃花子去年游出的亞洲紀錄只差0.13秒，詩蓓坦言不會被0.13秒去局限自己，並在突患白血病的池江身上學懂人生道理，就是好好享受及珍惜眼前一切。
2019年上半年令泳壇圈內人痛心，先有去年雅加達亞運豪奪6金2銀的池江在2月確診患上白血病，3月到香港26歲男飛魚杜敬謙在美國訓練中猝死，二人游泳事業如日中天，卻遇上不幸，21歲的詩蓓也為他們感到可惜：「佢哋兩個嘅遭遇令我對游水有唔同睇法，今日唔知聽日事，可能一個傷患就令你唔可以再游落去，所以我更想去享受𠵱家游到嘅時間。」
現在距離東奧還有11個月，詩蓓表示若改善跳水、轉身等細節後，或可游快1、2秒：「除改善技術細節外，仲要加強體能，我喺世錦賽200米自由泳決賽，就係輸臨尾10至15米，眼前目標係東奧，未來呢11個月可以有好多轉變，可以游快1、2秒，或者冇進步，所以唔會用0.13秒去局限自己。」
詩蓓今年五月在密芝根大學畢業後全職投入游泳，6月應邀加盟美國職業泳隊DC Trident出戰10月展開的首屆國際游泳聯賽，同隊有里奧四金得主、美國的列迪姬，七月成為香港首位Arena Elite Team成員，這些都是對她游泳成就的肯定。
記者：徐嘉華