八方噚日寫何君堯畀咗封信保安局長李家超，話收集警員意見後，提八項支援警員同家屬措施，包括將警察宿舍同其他紀律部隊分隔、協助送警察仔女返大陸讀書、幫退休警去大灣區住，香港網民好支持，點知原來大陸網民都好贊成。
港人：唔去就係漢奸
大陸有微博轉載何君堯建議將警察仔女送中讀書建議，話因警屬身份被曝光，安全受影響，所以執業律師希望幫警察仔女返內地讀書，叫大陸網民為執業議員轉發點讚！點知班內地網民全力支持將警察仔女送中，有內地網民話香港咁危險，送警察仔女返大陸一定安全，又有人話中國歡迎佢哋，叫大陸快快起警察子弟學校。
睇見大陸網民咁支持將警察仔女送中讀書，香港網民笑到停唔到，個個話要立即送、即刻送、有網民話「哪一個警察不報名就是港獨黃屍的間諜卧底」、「唔去就係漢奸」，更有網民聲稱代表全體香港市民，支持警察送仔女返大陸讀書，「難得香港人同大陸人有共識 希望警犬們可以聽到廣大市民嘅意見，當然成家搬晒上去就最好」，有人仲話何君堯呢個建議達成兩地共識，真係功不可沒，一定要推大佢，等佢搞得成，到時香港普天同慶，十一放煙花一定捧場！
李八方
