方健儀曾是無綫新聞主播，七年前毅然離開主播崗位，轉職廉政公署做文職，直至2014年底離職。其後她一直以自由身做電台主持、活動司儀、電視節目主持及電影客串等，甚至初試啼聲唱歌。近月抗爭新聞繁多，無綫新聞被指偏頗，方健儀只說：「佢哋嘅變化，我掌握唔到。」
撰文︰羅婉玲
攝影︰沈健程
現年42歲的方健儀身為前主播，當然關心時事，談到近日的抗爭運動，離開無綫新聞主播一職已七年，問到可有技癢時，她坦言：「好多人同我講話想聽番我報新聞，可能係大家嘅集體回憶。呢個癢一路都有，自己喜歡傳媒行業。」
喜歡衝鋒陷陣
方健儀坦言在記者生涯中，遇到較大型的社會事件，要追溯到2005年的世貿會議韓農來港抗爭，她說︰「嗰時我比較喜歡衝鋒陷陣。」對於抗爭運動，她說：「做記者時採訪過唔同嘅社會運動，今次廣度及深度係前所未有。我好理解好多香港人嘅訴求，好希望過程中，甚至事件告一段落後，大家都可以齊齊整整，平平安安。」雖然她沒有經歷過像今次密集式的採訪經歷，但每次看新聞都會想身在現場，她說：「我都諗有乜身份可以去採訪，甚至會諗，外國傳媒需唔需要啲地頭蟲、聯絡人去採訪，或者廣東話繙譯，真係好技癢。」
自由身做自己
談到老公洪楚恒仍在無綫新聞部工作，可有擔心對方要到前線工作？她說：「佢有三十年經驗有乜場面未見過，佢會處變不驚。」提到舊公司，方健儀說：「離開七年，佢哋嘅變化，我掌握唔到，唔想做塘邊鶴。我哋仲有資訊自由，大家可以自由選擇可信嘅傳媒。」
近年方健儀以自由身接工作，坦言可以做回自己：「以前報新聞、做文職好規範，𠵱家可以真性情。」最近她為香港開電視主持新節目，談健康外，亦會討論流行時事話題，她說：「好似近排講嘅雷射筆或槍，對大家有切身嘅影響。」經常寫飲食專欄的她，有意再出書講飲講食：「媽媽以前係烹飪冠軍，直頭可以出番本『洪荒之力』烹飪書。」她笑稱因為老公姓洪，所以取此名字，說罷連她本人也大笑。
化妝︰Herman Ng
髮型︰Vincent Yeung of M Plus Salon
場地提供︰Kowloon Partyroom