喬裝市民？Madam唔覺意，透露了軍情。喬裝市民，遍佈全港，看831太子站車廂內拿出鐵錘上演「槌舞間」的藍衫大叔，正常人，點會出街帶槌仔。勿看扁阿叔，真人不露相，原來黑警扮乘客，呃埋長者票，只要亮出槌仔做訊號，唔使帶螢光棒，速龍認出，揮槌扑人，屎命必達。
喬裝市民，有時會穿煲。穿GAP灰衣男，對住記者猛讚差佬在港鐵執法幾咁神勇，但擦鞋擦着火水好快被識穿，敗走離場。黑警除咗件制服，仍然難洗血腥暴戾味。831之後，喬裝市民的難度高咗唔少，黑警諗計，如果喬裝，絕對不能叫「好想食咗啲記者！」狂躁黑警點忍得住呀！唯有喬裝元朗圍頭佬或者北角福建幫，將二陂坊X節文化協會變成差佬喬裝主題樂園，警黑搓住麻雀，自high。
喬裝市民，無法唔預林奠一份。打算玉石俱焚，清洗最堅一代勇武、葬送一整代年輕人前途（逃出東涌孤島大長征的人鏈，可敬可畏！）手段之陰毒，愈來愈唔似係人！更唔似香港人！有理由相信，滿腦子清算報復的林奠真身係：通俄特工／新納粹臥底！香港變澟冬烏克蘭，直至她離任前這三年，慘不忍睹！（她眼中只有幾個遭破壞的港鐵站。）真市民與敲響的教堂聖鐘合奏：走啦你，勿累街坊！哈利路亞！