創辦人K係本地創科圈裏，數一數二最豪氣干雲嘅角色，他曾拒絕科技巨擘收購，冇絲毫後悔，他行事果斷，係香港創科界嘅美國隊長。上周有晚，創辦人K邀請IT界朋友上佢公司飲酒，嗰次聚會，十足十Avengers終局之戰入面，連美國隊長亦要圍埋其他人，參與創傷座談會咁款。
參與者全部係創辦人，對於香港目前嘅局面，大家都有一種共同的無力感。任憑大家點拼命工作，香港似乎正慢慢咁死去。每星期睇直播，充滿血腥的畫面，警察繼續暴力升級，然後不斷出現一個又一個香港人，只係為咗守護香港的理想而付出個人自由、嚴重身體創傷甚至係生命。有位外表陽光健康創辦人，甚至患上了恐懼症，要約見心理醫生。
然後大家討論，如何處理這種無力感？部份人分享，有考慮過唔好理、刪除fb、甚至有朋友決定移民台灣。想擺脫無力感，有位創辦人認為，首要認清同接受事實。認清警察唔會再保護市民，走在前線嘅抗爭者、和理非遊行人士甚至一般親政府市民，都有機會隨時被警察無差別恐嚇和襲擊。但要記住，認清唔代表認同，接受事實亦不是妥協。以實質行動支持，我認為有助擺脫無力感，例如有創辦人計劃寫程式解決資訊不對稱的問題，我認為可行，但比較持久抗爭。
若要自救，科技媒體Unwire報道，美國有Parachute這求救App，現免費供香港的用戶登記。它可以在用戶發動求救模式時，自動傳送SMS、電話給指定聯絡人，更可一鍵立即直播、錄音及實時記錄求救位置。
重點是免費的原因，是一名香港網民去信，要求開發者能免費供港人使用。當香港有累卵之危，我哋越要振作，喺自己嘅崗位，做返自己擅長嘅嘢，那怕是寫一封信，都會有用。人人都可以是美國隊長，還記得他在Endgame的經典對白嗎？「我們會贏，Whatever it takes，Good Luck。」
尹思哲
http://linkedin.com/in/wanszezit